السبت, 2017/09/23, 12:18:37 PM
أهلاً بك ضيف | RSS
قائمة الموقع

صندوق الدردشة
200

\
إحصائية

المتواجدون الآن: 1
زوار: 1
مستخدمين: 0

الرئيسية » 2014 » ديسمبر » 19 » في ناس كده وناس كده
0:46:52 AM
في ناس كده وناس كده

فى ناس كده تحبك بجد
وناس فى وشك قافله سد
وناس تخاف تجرح مشاعرك
وناس فى حلمك نازله هد
وناس بتعدى وتسامح
وناس ترصد لأخطائك
وقاعده تعد
وناس تقلانه مبتسألش
وناس قبل أمّا تتكلم تلاقى الرد
وناس مايعه بلا موقف
وناس فى الحق زى الحد
وناس فاكره وناس ناكره
وناس سابوا معاك ذكرى
وناس شَبَه الحياه بالظبط
ساعات تهدى
ساعات تِشتَد
وناس تجرى عشان تسبق
وناس عايشه يدوب ع الأد
وناس متناقضه مش ثابته
وفيها كل شئ والضد
وناس فاتحه دراعاتها
وناس بانيه حيطان للصد
وناس أصلا مهُماش ناس
وناس زارعه قلوبها ورد
وأدينا كل يوم بنشوف
ما هيَّا الدنيا صالة عرض

مشاهده: 214 | أضاف: mohamed_shaheen | الترتيب: 3.0/2
مجموع التعليقات: 1
avatar
0
1
smile
avatar
MyCorp حقوق الطبع والنشر © $ سنة $